Ez ê Birra Jî Bibim Fûtbolîst

Maradona ji bo wî wiha digot : "Heyf e ku ew bûye fûtbolîst lewra ew zêde zêde qeşeng e".

Sal 1981 . Li Londrayê, rojeke payîzê ye . David Beckham dê dest bi dibistanê bike. Mamosteyê wî yê 'ewil , pirsa 'ewil jê dike :

- Tu dixwazî bibî çi ?
+ Fûtbolîst.

Ev bersiv, li gor mamoste bersiveke cidî nîn e, loma dîsa ji David dipirse :

- Ez bi rastî dipirsim , tu dixwazî bibî çi?
+ FÛTBOLÎST.

Ev baweriya wî ya xurt di salên pêşiyê de dibe sedem ku bavê wî dev ji hemî karên xwe berde û bibe yekem antrenorê wî. Di 14 saliya wî de mamosteyê wî yê "rasteqîn" Sir Alex Ferguson ew dibîne û ew êdî dibe fûtbolîstê Manchester Unitedê. Piştî transferê yekser ji mamosteyê xwe yê 'ewil re nameyek dişîne: "Ez transferî Manchester Unitedê bûm."

 Sir Alex Ferguson û David Beckham. Beckham transferî Manchester  UTD dibe.

         
Beckham li Manchesterê 10 salên têr û tijî derbas dike û gelek kûpayan radike. Ew lingên wî yê rastê yê ku topê bişanda kû ,teqez diçû wir û nemaze frîkîkên wî di bîra fûtbolhezan de hîn jî xwediyê cihekê taybet e. Ji bilî fûtbolê bi jiyana xwe ya sansasyonel jî qet ji rojevê nakeve . Ew di heman demê de popstarek e li Îngilîstanê. Piştî 10 salan berê xwe dide başûr û transferî Real Madrîdê dibe û dibe yek ji endamên Los Galacticosê.
Li Madrîdê herçiqas negihê performansa xwe ya Manchesterê jî serkeftî ye. Piştî Madrîdê, di dawiya karîyera xwe de berê xwe dide Emerîkayê û dibe fûtbolîstê LA Galaxyê.

1998. Kûpaya Cîhanê. Beckham di fînala çaryekê de qertê sor dibîne, tîma xwe ya netewî 10 kes dihêle û Îngilîstan ji kûpayê diseride.

Di kariyera Bekcham a mukemmel de rojekê hebû ku ew ji bo wî kabûseke mezin bû . Di havîna 1998an de di fînala çaryekê ya kûpaya cîhanê de Îngilîstan û Arjantîn têne pêşberî hev. David Beckham di deqeyên herî krîtîk de piştî faûla ku li Diego Simeone dike qertê sor dibîne û tîma xwe 10 kes dihêle.Îngilîstan têk diçe . Dotira rojê çapemeniya welatê wî di derheqê wî de manşetên pirr pirr xirab dinîvîse.
Lê... lê tiştek din jî dibe ew şev .Mamosteyê wî yê 'ewil ê dibistanê, wê şevê; yanî di xirabtirîn şeva kariyera David Beckham de, dimire.