"Ez Nexşeyek Lal im"
"Ez Nexşeyek Lal im, Dibilînim, Dinalim"
Mirady di hevpeyvîneke xwe de gotibû “Her albûm şahidê
dewreke muzîsyen e.”
Dema min guh da ser albûma nû ya Mem Ararat, yekser ev
gotin di hişê min de olan da. Albûma Mem ji 8 stranan pêk tê û bi etîketa Ziz Muzîkê derket.
Ji aliyê guhdaran dema mirov dimeyzîne, Mem Ararat belkî
jî stranbêjê herî balkêş ê Kurd e. Çimkî min dîtiye ku gelek însanên ji tarzên
cudatir hez dikin, guh didin wî. Yanî meriv nikare guhdarên wî bi rihetî kategorîze bike.
Sirra vê çi ye ez nizanim, belkî kesên li ser muzîkê xebatan dikin karibin rave
bikin.
Di qapaxa albûmê de bajarekî kavil û wêran xuya dibe di
dilê Mem de. Di strana “Xewna Bajarekî” de ku ev navê albûmê ye jî, bajar bi
hemû sûretê xwe derdikeve. Lê dîsa jî xewna bajarê di dilê Mem de winda nebûye. Ew xewn/hêvî di dengê Mem ê zîz de xwe dide
der: “Porkurê, ji binê erdê dengê
çivîkan tê”
Ji aliyê enstrumantaliyê ve jî ev albûm, li gorî xebatên
din ên kevn pir bêhtir zengîn e. Lê ev enstrumantalî û sewta Mem li tu derî pev
naçin. Her tişt bi hostayî hatiye li cihê xwe rûniştiye. Ji vê hêlê de bi min
xaseten strana “Zozan”ê nimûneyeke pir xweş e.
Ji bo xortik û keçikên nûciwan an jî extiyarên rihciwan
jî straneke heye ku nîvşevan ji hev re jestan bikin. Navê wê “Zîz” e. Henek li
derekê, mirov di vir de kemana Ahmet Tirgil heta kokê hîs dike. Xisûsiyeteke Mem
Ararat heye ku di gotinên wî de tahma helbestan her difûre; Wisa dibêje di vê
stranê de: "Ez nexşeyek lal im, dibilînim, dinalim." Offfff!
Surprîzeke xweş jî heye di albûmê de. Mem Ararat covera
strana Seîd Yusiv çêkiriye û xistiye nav stranan. Navê stranê “Eva Eva” ye.
Jixwe ji xeynî vê gotinên hemû stranan aydî Mem bi xwe ne.
Axir di dewreke ku muzîka Kurdî ewqas tê minaqeşekirin
de Mem Ararat bi xebateke mikemel dilê guhdaran pariyekê xweş kir.
#MemArarat #XewnaBajarekî
#MemArarat #XewnaBajarekî
Yorumlar
Yorum Gönder